Протионамид (250 мг)

Протионамид

Протионамид

Үлбірлі қабықпен қапталған 250 мг таблеткалар

Бір таблетканың құрамында

белсенді зат - 250 мг протионамид,

қосымша заттар: микрокристалды целлюлоза (Avicel РН101), кросповидон (Polyplasdone XL 10), коповидон (Plasdone S630), тазартылған су, микрокристалды целлюлоза (Avicel РН102), натрий кроскармеллоза (Ac-Di-Sol), сусыз коллоидты кремний (Aerosil-200 Pharma), магний стеараты.

Қабықтың құрамы: Опадрай сары 03F32266 (гипромеллоза (НРМС 2910), титанның қостотығы (Е 171), макрогол/ПЭГ, темірдің сары тотығы (Е 172), тальк, тазартылған су.

Екі беті дөңес, дөңгелек пішінді, сары түсті үлбірлі қабықпен қапталған, ойығының үстінде «М» және бір жағында ойықтың үстінде «2» және басқа жағында «РЕ» белгісі таблеткалар.

Туберкулезге қарсы препараттар. Тиокарбамид туындылары. Протионамид.

АТХ коды J04AD01

Фармакокинетикасы

Протионамид ішке қабылдағаннан кейін жақсы сіңіріледі. 250 мг ішке қабылдағаннан кейінгі плазмадағы ең жоғары концентрациясына 2 сағаттан соң жетеді және 1,0-1,4 мг/л құрайды; 500 мг қабылдағаннан кейін 3 мг/л құрайды. 0,05 мг/л in vitro шамасындағы концентрациясы лепра микобактерияларының көбеюін бәсеңдетеді. Орташа жартылай шығарылу кезеңі - 1,8 сағат. Протионамид жұлын сұйықтығын қосқанда тіндерде және биологиялық орталарға жақсы таралады.

Протионамид микобактерияларға қатысты белсенділігі тең сульфоксид-метаболитті түзе отырып экстенсивті биотрансформацияға ұшырайды. Енгізілген заттың 0,08%-ы өзгермеген күйде несеппен шығарылады және 0,4%-ы метаболит түрінде; жартылай шығарылу кезеңінің орташа мәндері сәйкесінше 1,38 және 1,63 сағатты құрайды. Өзгермеген протионамидтің 0,1%-дан азы ішек арқылы бөлінеді.

Бауыр ауруының протионамид фармакокинетикасына әсері анықталған жоқ. Бүйрек аурулары бар және егде жастағы пациенттерде протионамид фармакокинетикасы көрсеткіштерінің өзгерістері байқалмайды.

Фармакодинамикасы

II қатардағы туберкулезге қарсы дәрі химиялық құрылымы жағынан этионамидке жуық. Туберкулез микобактерияларының жасушалық қабырға құрамына кіретін микол қышқылдары синтезін бөгей отырып, бактериостатикалық әсер етеді. Никотин қышқылының антагонист қасиеттеріне ие. Жоғары концентрацияларда микробтық жасуша ақуызының синтезін бұзады және бактерицидті әсер етеді. Протионамид пен этионамид арасында толық айқаспалы төзімділігі бар. Олардың микробқа қарсы белсенділігі бірдей болғанмен, протионамидтің уыттылығы төмен және көтерімділігі жақсы.

- бірінші желідегі препараттармен емдеу тиімді болмағанда, 2-желідегі химиотерапия режимдерінде мультирезистентті туберкулез тек басқа тиімді препараттармен (изониазидпен, рифампицинмен немесе басқалармен) біріктірілімде

Тамақтан соң ішке қабылдау керек. Ересектер үшін доза әр кг дене салмағына тәулігіне 15-20 мг құрайды. Тәулігіне 500 мг - 33-49 кг дене салмағында; 750 мг - 50-70 кг дене салмағында; 1000 мг - > 70 кг дене салмағында. Емдеу ұзақтығы клиникалық көріністерінің айқындылығына байланысты және оны емдеуші дәрігер анықтайды, орта есеппен қарқынды фазасы 6-12 ай; демеуші фазасы 12-18 ай.

Шумақтық сүзіліс жылдамдығы (ШСЖ) 30 мл/мин төмен пациенттерге және гемодиализдегі пациенттерге Протионамидті тәулігіне 250-ден 500 мг дейінгі дозада тағайындайды. Бүйрек функциясының ауыр бұзылулары бар пациенттерге қандағы белсенді зат концентрациясына мониторинг жүргізу және қажетіне қарай дозаны таңдау қажет.

Барлық пациенттерге Протионамидті қабылдаған кезде пиридоксинді (В6 дәрімені) қабылдаған жөн. Ересектерге ұсынылған доза 100 мг құрайды.

Бүйрек және бауыр жеткіліксіздігі

Протионамид СҮР450 жүйесімен бауырда толығымен дерлік метаболизденеді, алайда СҮР қай ферменті жауап беретіні белгісіз. Ауыр бауыр жеткіліксіздігі бар пациенттерге аулақ болған жөн. Жеңіл және орташа бауыр жеткіліксіздігі бар пациенттер үшін деректер жоқ. Протионамид организмнен бүйрек арқылы өте баяу шығарылады және бүйрек жеткіліксіздігі бар пациенттер үшін дозаны түзету қажет.

Туберкулезге қарсы емнің ұзақтығы таңдалған режимге, пациенттің клиникалық және рентгенологиялық жауабына, жағынды мен өсіріндінің нәтижелеріне, сондай-ақ пациенттен алынған Mycobacterium tuberculosis изоляттарының сезімталдығын зерттеуге немесе бастапқы жағдайда күдіктенуге байланысты болады. Егер ем уақытша тоқтатылса, емдеу кестесін аяқталу күнінің ең соңғы күніне дейін, уақытша тоқтату мерзімі, оның ұзақтығы, тоқтатылған ем уақыты (кеш немесе ерте) және пациенттің жағдайына байланысты ұзарту қажет болады.

Дозаны өткізіп алғанда және бұл 6 сағат ішінде байқалса, өткізіп алынған дозаны дереу қабылдау қажет. Келесі жүйелі доза кесте бойынша қабылдануы тиіс. Егер кешірек байқалса, онда күнделікті доза қабылдануы тиіс кезде алу керек. Ұмытылған жеке дозаны толықтыру үшін екі еселік дозаны пайдалануға болмайды.

Балалар және жасөспірімдер

Препаратты 18 жасқа дейінгі балалар мен жасөспірімдерде қолдануға ұсынылмаған.

Протионамидпен емдеумен байланысты жағымсыз реакциялар ағзалар жүйесін жіктеумен және абсолютті жиілікпен төменде келтірілген. Жиілік өте жиі (≥1 / 10), жиі (≥ 1 / 100) жиі емес (≥ 1 / 1000) болып анықталған. Бұдан басқа, протионамидті тіркеуден кейінгі зерттеу кезінде анықталған жағымсыз реакциялар көрсетілген (жиілік санаты: «белгісіз»). Көлемі белгісіз популяциядан ерікті хабарланатындықтан жиілікті бағалау жүргізілуі мүмкін емес. Осы құбылыстар олардың шынайылығы мен хабарламалардың көлемін назарға ала отырып бөлімге кіргізілген.

Қан және лимфалық жүйе

Белгісіз: тромбоцитопения.

Метаболзим және тамақтану бұзылыстары

Белгісіз: пеллаграға тәрізді синдром, гипотиреоз, гипогликемия.

Психикалық бұзылыстар

Белгісіз: депрессия, шатасу, зейін қою қиындықтары, психоз, өзіне-өзі қол жұмсау.

Жүйке жүйесінің тарапынан

Жиі: бас ауыруы, бас айналуы, ұйқышылдық, астения, парестезия.

Белгісіз: энцефалопатия, шеткері неврит, иіс сезінудің бұзылыстары.

Жүрек-қантамыр жүйесінің тарапынан

Белгісіз: постуральді гипотония.

Асқазан-ішек жолы ағзаларының тарапынан

Өте жиі: металл немесе күкірт дәмінің сезілуі, ауыздың құрғауы, сілекейді көп бөлінуі, анорексия, жүрек айнуы.

Жиі: құсу, қыжыл, іштің ауыруы, тоқтық сезімі, диарея, іштің қатуы, метеоризм, құлақ айналасындағы сілекей безінің ісігі.

Гепатобилиарлы бұзылыстар

Өте жиі: сарысу трансаминазалары деңгейінің артуы.

Жиі: гепатит, сарғаю.

Белгісіз: бауыр жеткіліксіздігі.

Тері және тері асты шелі тарапынан

Белгісіз: пеллагроидты реакциялар, фотодерматоздар, терінің жарылуы, стоматит, безеулі бөртпе, хейлит, глоссит, алопеция.

Ұрпақ өрбіту жүйесі және сүт бездерінің бұзылыстары

Белгісіз: гинекомастия, етеккір оралымының бұзылуы, импотенция.

Көру мүшелері тарапынан

Белгісіз: көру бұзылулары (мысалы, диплопия, көрудің бұлыңғырлауы, көру невриті).

Есту мүшелері тарапынан

Белгісіз: отоуыттылық.

Бұлшықет-қаңқа бұзылыстары

Белгісіз: артралгия, артрит.

Несеп шығару жүйесінің тарапынан

Белгісіз: несеп тас ауруы.

Тыныс алу ағзаларының тарапынан

Белгісіз: қан қақыру.

Иммундық жүйе тарапынан

Белгісіз: аллергиялық реакциялар.

- анамнезде препараттың кез келген ингредиентіне аса жоғары сезімталдық

- ауыр бауыр аурулары, жедел гепатит, бауыр циррозы

- жедел гастрит, асқазан мен он екі елі ішектің ойық жара ауруы, эрозиялы-ойық жаралы колит

- 18 жасқа дейінгі балалар мен жасөспірімдер

- жүктілік және лактация кезеңі

Дәрілермен өзара әрекеттесу

Рифампицин мен протионамидті бірге енгізген кезде өліммен аяқталуы мүмкін сарғаюмен гепатиттің пайда болу қаупі жоғары. Осы препараттарды бір уақытта қолданудан пайдасы қаупінен жоғары болған жағдайдан басқа жағдайда аулақ болған жөн. Мұндай жағдайда бауыр функциясының, сондай-ақ клиникалық белгілері мен бауыр дисфункциясының симптомдарына мониторинг жүргізу керек.

Протионамид пен изониазидті бір уақытта қолдану қандағы протионамид концентрациясының артуымен қатар жүруі мүмкін. Бұл жағдайда протионамид дозасын (= екі есе және 500 мг аспауы тиіс) азайту ұсынылған. Протионамид изониазидтің шығарылуын баяулатады.

Этионамид пен изониазидті бірге енгізу жылдам, сондай-ақ баяу ацетиляторда соңғысының сарысуындағы концентрациясын арттырады. Егер препараттардың осы біріктірілімін қолдану қажет болса, пиридоксинді қосымша тағайындаған жөн, сондай-ақ изониазидтің жағымсыз әсерлерін бақылау қажет (шеткері неврит, гепатоуыттылық, энцефалопатия).

Этионамид пен циклосеринді бірге тағайындаған кезде қайтымды пеллагра тәрізді энцефалопатияның пайда болу жағдайлары байқалған.

Психоздық реакциялардың пайда болу қаупіне байланысты протионамид пен этанолды бір уақытта қолданудан аулақ болған жөн.

Протионамидті қолдану тек қана туберкулезді емдеу кезінде резистенттіліктің жылдам дамуына әкеледі. Сондықтан басқа лайықты туберкулезге қарсы препаратты немесе дәріні біріктіріп енгізу өте маңызды, оны таңдау сезімталдықты анықтау нәтижелеріне негізделеді. Дегенмен қажет болған жағдайда емді сезімталдыққа тест нәтижелерін алғанға дейін бастауға болады.

Протионамидті қабылдау барысында уытты гепатит, обструктивті сарғаю, жедел бауыр некрозы, сондай-ақ бауыр трансаминазалары, билирубин және сарғаюмен немесе сарғаюсыз сілтілік фосфатаза деңгейінің қалыпты артуы байқалуы мүмкін. Препаратпен емді бастағанға дейін бауыр функциясына бақылау жүргізу, сондай-ақ емдеу барысында сарысу трансаминазаларының деңгейін әр 2-4 аптада мониторингтеу қажет. Трансаминазаларының құрамы 3-5 есе артқан кезде (сарғаю немесе гепатит симптомдарының бар болуы немесе жоқ болуы) 250 мг Протионамид таблеткалары және басқа әлеуетті гепатоуытты дәрілік заттарды тоқтату керек.

Гепатоуыттылықтың жоғары қаупі қант диабеті бар пациенттерде сипатталған.

Протионамидті қоса тиокарбамид туындыларын қолданған кезде неврологиялық әсерлердің, психоздық бұзылулардың, энцефалопатияның, шеткері және көру невритінің, сондай-ақ пеллагра тәрізді синдромның пайда болуы туралы хабарламалар бар. Протионамидтің нейроуытты әсерлерінің айқындылығын төмендету үшін дәрігерге қаралған жөн. Протионамидтің нейроуытты әсерлерінің алдын алу мақсатында пиридоксинді бір уақытта енгізу ұсынылады.

Протионамидті қолдану гипогликемиямен қатар жүруі мүмкін. Соған байланысты емді бастағанға дейін және оның барысында мезгіл-мезгіл қандағы глюкоза деңгейін анықтаған жөн. Қант диабеті кезінде қандағы глюкозаны бақылау гипогликемияның жоғары қаупін қоса күрделі болуы мүмкін.

Протионамидті қолданған кезде гипотиреоздың немесе зобтың даму қаупінің бар болуына байланысты қалқанша безінің функциясына мезгіл-мезгіл мониторинг жасау ұсынылады.

Протионамид бөртпе мен қызбамен бірге жүретін аса жоғары сезімталдықтың күрделі аллергиялық реакцияларын туындатуы мүмкін. Мұндай жағдайда Протионамидті қабылдауды тоқтату ұсынылады.

Протионамидті қолдану көрудің бұзылыстарын туындатуы мүмкін. Осыған байланысты емді бастағанға дейін және барысында мезгіл-мезгіл офтальмоскопияны жүргізу ұсынылады.

Балалар және жасөспірімдер

Препаратты 18 жасқа дейінгі балалар мен жасөспірімдерде қолдану ұсынылмайды.

Жүктілік және лактация

Протионамидті жүкті әйелдерде пайдалану туралы деректер жоқ немесе шектеулі. Жануарларға жасалған зерттеулер ұрпақ өрбітуге уыттылықты көрсеткен. Протионамидті жүктілік кезінде пайдалануға болмайды немесе қажет болған жағдайда емдеуші дәрігерден кеңес алған жөн. Лактация кезеңінде протионамид емшек еметін жаңа туған балалар мен нәрестелерде анықталған, осыған байланысты емшек емізетін әйелдерде қабылдауды тоқтату қажет. Протионамидті жаңа туған балаларға/нәрестелерге әсер етуі белгісіз. Препаратты емшек емізетін әйелдерде қолдану қажет болғанда емшек емізетін әйелге де, жаңа туған нәрестеге де пиридоксинді (В6) қабылдау ұсынылады.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Машинаны басқару қабілетіне әсер етуіне зерттеулер жүргізілген жоқ. дегенмен, пациенттің машинаны басқару қабілетін қарастырған кезде пациенттің клиникалық статусын және таблеткалардың жағымсыз реакцияларының бейінін ескерген жөн.

Симптомдары: пеллагра тәрізді тері реакциялары мен энцефалопатия болуы мүмкін.

Емі: препаратты тоқтату, симптоматикалық және демеуші шаралар, оның ішінде В тобының дәрумендері мен никотинамид.

Шығарылу түрі және қаптамасы

60 таблеткадан бұралатын қақпағы бар тығыздығы жоғары полиэтиленнен жасалған құтыда. Құтыны медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салады.

30ºС-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды.

Рецепт арқылы

Өндіруші ұйымның атауы мен елі

«Mylan Laboratories Limited», Үндістан

Тіркеу куәлігі иесінің атауы мен елі

«Mylan Laboratories Limited», Үндістан

Қаптаушы ұйымның атауы мен елі

«Mylan Laboratories Limited», Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«APC Healthcare Limited» өкілдігі

050040, Алматы қ., Попов к-сі, 19, 301 кеңсе

Тел: (8727) 260-84-33, факс: (8727) 386-82-25

E-mail: rahulsingh@apchealthcare.com

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«APC Healthcare Limited» өкілдігі

050040, Алматы қ., Попов к-сі, 19, 301 кеңсе

Тел: (8727) 260-84-33, факс: (8727) 386-82-25

E-mail: rahulsingh@apchealthcare.com